My Own Notes

Please Login to save notes.

If you are not a registered user, then click here.

The Canterbury Tales
Geoffery Chaucer

Previous Page 358 of 383 Next Page
     
NPT 3421 In as muche as I maked yow aferd
NPT 3422 Whan I yow hente and broghte out of the yerd.
NPT 3423 But, sire, I dide it in no wikke entente.
NPT 3424 Com doun, and I shal telle yow what I mente;
NPT 3425 I shal seye sooth to yow, God help me so!"
NPT 3426 "Nay thanne," quod he, "I shrewe us bothe two.
NPT 3427 And first I shrewe myself, bothe blood and bones,
NPT 3428 If thou bigyle me ofter than ones.
NPT 3429 Thou shalt namoore thurgh thy flaterye
NPT 3430 Do me to synge and wynke with myn ye;
NPT 3431 For he that wynketh, whan he sholde see,
NPT 3432 Al wilfully, God lat him nevere thee!"
NPT 3433 "Nay," quod the fox, "but God yeve hym meschaunce,
NPT 3434 That is so undiscreet of governaunce
NPT 3435 That jangleth whan he sholde holde his pees."
NPT 3436 Lo, swich it is for to be recchelees
NPT 3437 And necligent, and truste on flaterye.
NPT 3438 But ye that holden this tale a folye,
NPT 3439 As of a fox, or of a cok and hen,
NPT 3440 Taketh the moralite, goode men.
NPT 3441 For Seint Paul seith that al that writen is,
NPT 3442 To oure doctrine it is ywrite, ywis;
NPT 3443 Taketh the fruyt, and lat the chaf be stille.
NPT 3444 Now, goode God, if that it be thy wille,
NPT 3445 As seith my lord, so make us alle goode men,
NPT 3446 And brynge us to his heighe blisse! Amen.



Source, "The Nun's Priest's Tale": NeCastro, Gerard. eChaucer. U of Maine at Machias, 2011. Web. 17 Oct. 2011.
Previous Page Table of Contents Next Page
  Glossary  
     
Videos
Go to page:   
Top

Copyright © 2021 Gleeditions, LLC. All rights reserved.